舊年初唔做領匯（823）主席嘅鄭明訓，當時話要留多啲時間陪伴家人。言猶在耳，年屆71歲嘅鄭明訓似乎不甘寂寞，噚日由老牌工業股裕元集團（551）分拆上市嘅寶勝國際（3813）舉行投資者推介會，席間見到鄭明訓現身，原來佢老人家喺上月獲委任為寶勝獨立非執行董事。
翻睇資料，鄭明訓𠵱家仲做緊四家港、英上市公司嘅獨立非執董，包括思捷環球（330）、建滔化工（148），同埋倫敦證券交易所另類投資市場上市公司VietnamInfrastructureLtd.及PacificAllianceChinaLandLtd.。
佢退休都仲孭咁多嘢，尤其𠵱家社會希望獨立非執董付出更多時間監察公司管治，乜鄭生唔怕唔夠時間陪家人咩？