玩具大王蔡志明長女蔡加敏，去年底與前東華主席馬鴻銘結婚，大前日蔡加敏在浸會醫院，剖腹誕下7磅3安士女嬰，取名為Chelsi。蔡加敏昨日在電話中說：「好開心，見到BB笑就好感動，想唔到一個小生命就咁出現咗。」由於剖腹開刀，她表示仍未可以進補，她說：「開刀時半身麻醉，只係個心驚，𠵱家啲藥散咗，開始傷口痛。」
母煲靚湯
家有喜事，蔡加敏卻不忘四川災民，她說：「之前同先生一齊捐咗幾十萬，𠵱家我哋會再傾吓，幫個女用佢嘅名義捐啲錢。」此外，蔡志明太太李惠莉昨日帶同靚湯探加敏，她說：「雞煲燕窩，我自己煲呀，煲咗三個鐘頭。」她大讚外孫女說：「好靚女，又得意，好健康。」蔡加怡表示每日都去醫院探望胞姊，她說：「BB鼻似爸爸，口似媽咪，成日眼仔睩睩四圍望。」
採訪、攝影：LawWaiMan、娛樂突發組