前晚無綫播映嘅馬來西亞水上版《鐵甲無敵獎門人》一共接獲九宗投訴，其中廣管局方面接到六宗，投訴內容除咗話遊戲唔尊重女藝人同意識不良外，更認為無綫唔應該喺呢排有地震災難時播映呢類娛樂節目，無綫方面亦接獲三宗有關投訴。無綫方面話尊重觀眾意見，會將有關投訴交畀有關部門參考。