死喇，死喇，你睇吓，我對腳腫到似兩隻大豬蹄呀！吓，早前買的平底鞋已經好逼啦……呀，冇鞋着啦……醫生，點算呀！「少甜少鹹，瞓覺時放一個枕頭在腳底，7個月，水腫好正常！」醫生說得淡然。朋友介紹我去做大肚婆按摩，問過醫生可不可以做，他說按摩能加速血液循環，不妨一做，而我就希望做完後能減少水腫情況。
按摩當日，我睡在一張放在地上、專為大肚婆而設的床，側着身子舒服的躺下，按摩師說第一次做，按摩油最好用太陽花籽油，因不會引起我和BB的敏感。按時由手開始做到腳板，輕輕的很舒服，據說有利BB出世，可減少生產痛楚。按摩師說她的客人如採用自然分娩，一般2、3個小時就生產完畢，因此，現在不能做得太密，怕會早產，但最後一個月就可以做密些。一小時多過去，全身真的輕鬆了不少，腳看上去也沒那麼腫，是心理作用罷，起碼，做完按摩的晚上，瞓得好好呀！
個人資料
大肚Polei：
結婚年幾，從前唔恨亦唔想生仔。因為怕痛怕煩怕地球好快會末日。突然身邊幾個朋友玩大肚，突然心血來潮好想做媽咪。