被喻為亞視鎮台之寶的油尖旺區議員劉志榮，上周四病逝，終年56歲。亞視昨晚推出《別了，劉志榮》悼念特輯，劉志榮遺孀梁淑莊在電話中幾度泣不成聲，問到病逝因由，她說：「佢係肺積水引致心臟唔舒服過身。」
望兒子當律師
至於劉志榮未完心願，梁淑莊說：「佢希望見到個仔大個做律師，佢好愛我哋，好有正義感、好厚道，喺我心目中係完美，係一個好爸爸好父親，對個仔嘅教導無微不致，孜孜不倦。」
劉志榮外甥女楊羚說：「舅父啱啱入醫院嗰段時間，我媽咪都好反覆（病情），唔敢講呢個消息畀佢知，驚佢會擔心。佢（母親）知嘅時候已經係舅父啱啱過身。舅夫好錫佢嘅家人。舅母以前同我講：『揀老公點解一定要揀圈外呢，因為圈內最好嗰個已經娶咗我嘞。』」而身在美加的葉玉卿、潘志文和岳華也透過電話對劉志榮表示懷念。
採訪：楊潔雯
攝影：陳慧安