瑞士信貸銀行高層愛香港，何解？
佢哋位常駐紐約嘅全球金融機構集團主管VikramGandhi，會將個竇搬嚟香港。據華華所知，佢調嚟香港嘅主要任務，唔單止要推動亞太區嘅業務，歐洲地區都係重點發展嘅地區，但佢同時要繼續管埋美洲嘅業務，維持客戶關係，咁講法，Gandhi首先要搞好嘅，應該係三地嘅時差問題。
哈佛商學院MBA畢業嘅Gandhi，86年娶咗高中時嘅同學仔Meera，兩人早喺78年就識，可以話得上係青梅竹馬，兩人就係喺結婚之後，一齊報讀MBA課程嘅。
雖則Gandhi太生咗三個仔女，但佢絕對唔係齋喺屋企湊仔嘅黃面婆，咁多年不停咁做義工，為推動人道主義奔波。佢仲有個blog，好詳細咁列出由出世到家吓做過啲乜。唔知今次Gandhi嚟香港做嘢，家人係咪一齊跟住嚟嘞。