港華燃氣（1083，前稱百江燃氣）喺四叔李兆基嘅中華煤氣（003）入主後，資產壯大，舊年更扭虧為盈，上月仲獲得評級機構穆廸調高評級。
16%投反對票
小股東對嚟自中華煤氣嘅管理層睇嚟相當滿意，點解咁講？皆因上星期五港華燃氣重選董事，舊年3月先入局嘅中華煤氣中國業務總監黃維義同首席財務總監何漢明，獲100%出席小股東贊成連任。
反觀做咗董事7年幾嘅前話事人歐亞平，雖然重選董事議案一樣獲得通過，不過就唔係所有小股東都贊成，有近16%出席票數反對佢連任，莫非有股東唔滿意佢嘅表現，實行以選票表達意見？如果你係歐生，睇到咁嘅選票結果又會點呢呵？