黃伊汶（Emme）前晚原本有份演出無綫的賑災活動《眾志成城抗震救災》，原先Emme被安排在晚間新聞播出後，緊接關淑怡之後出場，演唱一曲快歌《渴求》，並有舞蹈員伴舞。但當Emme見到大部份歌手都唱慢歌，她即覺得自己的新歌似乎不太適合現場賑災氣氛，所以她向唱片公司反映要求改唱另一首歌，但唱片公司卻不肯改變主意，最後Emme決定罷唱，更拂袖離去。
關係變僵
昨日Emme接受電話訪問，她表示：「我都覺得好可惜，因為同啲舞蹈員綵排晒，但公司就想我宣傳吓首新歌，同埋佢哋覺個歌名可以代表我哋好渴求善款，而我起初都諗住有人會唱快歌，但點知睇rundown發現冇人唱快歌，加上我首歌又好重party感覺，好似好高興咁，所以我就話唔唱。」會否擔心和公司關係變僵？Emme無奈地說：「少少僵啦，希望佢哋明白，我唔想勉強去宣傳新歌，有心出席支持已經夠。」
採訪：王崇穎、楊潔雯
攝影：陳順禎、陳偉權