打工仔最怕遇着要求多多的老闆，littlekelvin自嘆不幸：「每次幫佢接電話，都規定我要行入佢房，問過佢接唔接；今日直接接咗入去，畀佢指住個頭鬧咗一餐。」樓主的遭遇引起不少網民感同身受：「我返九點，老闆九點零十分已打畀我，問我做咗啲咩？」、「永遠放工前兩分鐘先至拎大叠文件嚟，搞到成日OT。」、「放咗工仲成日打電話畀我，問中文字點打，當我係人肉字典機！」
打工仔24小時on-call喊辛苦，123hk遇着個諸事管大感無奈：「一份文件要幾多口釘都管；我着乜衫、乜鞋更加要管」，難怪她嘆道：「我淨係想搵一份工，唔係想多一個阿媽管！」
http://www.uwants.com/viewthread.php?tid=6221393&extra=page%3D3&page=1
《蘋果》網聞請你報料！大家無論在網上網外發現任何騎呢搞笑的事情，
都歡迎提供照片或短片資料。
請附姓名、電話及電郵地址，電郵到：mailto:[email protected]