12位準港姐昨日到尖沙嘴一眼鏡店挑選太陽眼鏡，為到加勒比海拍外景作準備，今年港姐是非不斷，1號文柏姿被公開與男友在床上的親熱照，還有與一大堆疑似A貨名牌袋的合照，文柏姿解釋說：「其實嗰啲係我好耐之前放喺blog嘅相，最近我都冇再寫blog，無綫都知我有男友，啲相都冇乜特別。」
「我哋感情好」
問文柏姿有否與男友拍攝更親熱的照片，例如咀嘴？她說：「唔會，我冇影呢啲相。」至於那批名牌袋，她說：「我朋友開水貨店，佢去歐洲入貨，我跟埋去玩，所以先有咁多名牌袋，我都冇錢買，嗰批都唔係假貨。」
8號姚婷芝被指經常黐着大熱之一的11號馬賽博上鏡，又做柴可夫接載其他佳麗，拉攏關係，姚婷芝解釋說：「其實我未參選前已經識馬賽，載其他佳麗係因為順路，唔使拉攏關係，我哋成班佳麗感情都好好。」至於6號陳倩揚早前黐坐姚婷芝順風車，再轉乘車資11元的火車到大埔墟，才由父親駕駛價值54萬元的平治接載返家，問她是否避免遭人話「晒命」？她說：「唔係，我唔會刻意避忌，都係做番自己。」
採訪：胡比
攝影：仇志德
各位讀者如果認識十二位入圍港姐，知道她們的底細，歡迎電郵mailto:[email protected]報料。