無綫和亞視昨晚分別為四川地震舉行賑災籌款節目，原先譚詠麟等人答允出席亞視節目，但最後臨時「甩底」，亞視發言人坦言覺得他們似受到阻力而缺席，矛頭直指無綫，另外亞視踢爆無綫原本昨晚沒有賑災節目，但當知道亞視搞活動後，即臨時再舉行賑災節目對撼。
無綫繼前晚在電視廣播城舉行《眾志成城抗震救災》後，昨晚又再搞一個名為《眾志成城抗震救災-七百萬人的愛心》賑災節目，而亞視昨晚亦在大埔總台舉行《齊心抗天災-愛心音樂會》。
突然通知缺席
在亞視節目上，分別有港台、新城、鳳凰衛視、nowsport及深圳電視台代表出席，而原先演藝人協會等人如譚詠麟（阿倫）和曾志偉皆表示會爭取出席支持，但亞視公關宣傳副總裁葉家寶昨表示：「之前同志偉通電話佢都話嚟，但今日下晝佢突然通知話嚟唔到，我個人覺得可能受到阻力。其實一早知無綫星期六搞賑災活動，我哋原先都想同一日搞，但開會後決定延遲一日，原先無綫星期日係冇搞，但知道我哋搞，又話要加碼做多個節目，分薄藝人支持，對成件事唔係咁圓滿。」矛頭直指無綫，而亞視惟有派拍攝隊到成龍辦公室訪問志偉等人，另外又去錄音室拍攝阿倫。
不過無綫也不執輸，他們亦有派人前往去錄音室訪問阿倫等人，還合唱一曲《齊心就事成》。而無綫外事部副總監曾醒明對於亞視所指則說：「我哋今晚個節目唔係臨時加，一早已經決定有兩部份，應該以籌款為大前提，唔應該有唔同睇法同回應。」亞視指阿倫等人似受壓，曾醒明說：「唔清楚，阿倫同我哋都冇約，唔明佢所指係乜。」
欣宜拒講秋官
此外，無綫賑災節目則以鄭欣宜和《舞動奇跡》等藝員撐場，欣宜演唱一首英文歌《Imagine》，問到為何前一晚不和爹哋鄭少秋一同演出籌款？她說：「你講我先知咋，無綫叫我今日嚟，我冇話事權，我好少同爹哋溝通，但有聯絡，媽咪過咗身，突然同爹哋好close好似好怪，我同爹哋合作過，唔需刻意做，今晚唔適合追問我同爹哋嘅嘢，我講多次同爹哋唔係咁close。」而《舞動奇跡》等藝員包括胡杏兒一同合唱《祝福》時，伍詠薇忍不住喊出來。
採訪：何慧斯、卓寶花
攝影：陳順禎、仇志德