泳兒同洪卓立噚日去小西灣出席商場活動，洪卓立話拍劇發生墮馬意外，佢話：「嗰場戲要11隻馬企喺度，唔知係咪太熱又或者多馬，佢哋好暴躁，大家都驚佢哋打交。點知其中一隻馬突然發癲，有一個四葉女仲俾馬拋落地，好彩係屁股落地。𠵱家我打機都唔打馬嘅遊戲。」另外，泳兒準備6月尾去雲頂開騷，佢話開始緊張到失眠。