曾是ball場活躍分子的九巴家族後人雷兆光及太太林靜怡（Jane），前晚罕有地帶同一對子女欣賞音樂劇，更細心地為他們準備枕頭。Jane自言十分享受做全職跟得媽媽，已有一子二女的她更希望再追多一名小朋友，無懼去年生幼女時流血過多的陰影，這個母親真勇敢。
以Queen樂隊為故事藍本的音樂劇「WeWillRockYou」，前晚在演藝學院公演，Queen的鼓手RogerTaylor以音樂劇監製身份，與音樂劇劇作家BenElton到場造勢，吸引城中不少名人出席，包括九巴家族後人雷兆光與太太林靜怡、趙世曾與女友Wendy、霍震寰與長女霍思緯、董立茂夫婦和余安安等，場面熱鬧。
帶備枕頭侍候
曾活躍ball場的雷兆光夫婦罕有地帶同七歲囝囝Jeremy和三歲囡囡Jacqueline看音樂劇，更為這對小小音樂劇迷帶備枕頭，以防他們入睡，認真細心。一子二女之母的Jane，近年可算是淡出社交圈，她說：「𠵱家全職湊小朋友，要接送返學放學，上playgroup。」是否感覺ball場生活悶？她說：「唔知做乜，又唔可以講話浪費時間，係唔啱我，加上小朋友仲細，自己𠵱家都少出街，湊小朋友都搞到我瞓得唔好，緊張啲細路。」
Jane的幼女已一歲，問她會否有意思再生BB，她笑說：「承你貴言，上次生第三胎時流血不止，都有啲驚，不過醫生話OK，可以再生，加上𠵱家醫學昌明。」
此外，趙世曾帶同正印女友Wendy到場，素顏的Wendy全程面黑，問她為何素顏赴會，趙生即代答說：「佢今日去咗行山趕唔切，我就同啲細路出海。」之後二人步入劇院，Wendy用書籍拍趙世曾的臀部，並質問說：「你出海咩，我冇去家庭日活動。」
提情敵：好煩
其後記者上前問Wendy是否擔心趙世曾的緋聞新歡「翻版妙瑛」的出現，她即𤷪𤺧地說：「好煩，啲嘢係你哋諗出嚟。」記者再追問趙生「翻版妙瑛」一事，他即說：「唔好講呢啲，冇建設性嘅嘢唔答。」
採訪：JessicaNgan
攝影：ChenWaiOn