梁詠琪（GiGi）昨日出席在尖沙嘴舉行的「一人一竹願，送暖到四川」籌款活動，GiGi與一班小朋友即場設計熊貓錢罌籌款，GiGi再拿起捐款箱叫現場人士募捐，她更率先拿出二千大元放入捐款箱。
GiGi表示得知很多學校在地震中倒塌，正考慮未來數年繼續捐款再起學校，她說：「我之前捐過錢起六間學校，地震之後都有問過嗰幾間學校有冇事，知道冇事後我先放心。」
怕變娛樂場所
GiGi續說：「以後如果要再起學校，我會再加倍留意，可能未起好都會去監督吓，我知道有啲學校可能喺興建後，因為冇人再跟進，變咗一啲娛樂場所或者俾人用嚟做生意，我唔想我捐錢起嘅學校變成咁，所以我會再留意啲。」
採訪、攝影：胡比