沒有英國波的第一天，難受！〈蘋果開倉〉版今季尚餘兩次，對小弟來說，沒有英國波場合，實在談不上任何信心，惟有到處搶其他名家嘅地盤，提供日職上屆冠軍鹿島鹿角，主場擊倒柏雷素爾。
周中小休傷疲盡起
自問近兩年貼英冠，水準長期有交代，但碰巧上周重注用水晶宮做膽，卻錄得個人近兩季在英冠附加賽9戰以來首敗（之後一周內推介3場全得手），注定本欄唔夠旺氣。我雖然對鹿島鹿角認識不多，不過小弟其實最喜歡研究各地冠軍球隊走勢，貪佢哋有實力，鮮見如德國拜仁長期做海鮮球隊，唔益人。
其實這兩季透過電視直播都算看過鹿角這支上屆日聯冠軍隊數場比賽，只見推進爽朗，由小笠原滿男在中場派牌，班波平均，前鋒無論外援或土炮都有穩定演出；而今屆開得不好，主因是亞冠盃所累，一如參加亞協盃嘅本地球隊南華及傑志，未有強大陣容去應付兩邊戰線。
翻查鹿角賽績，除了3月遠赴泰國贏波後，再返聯賽贏東京綠茵外；之後穿梭兩盃，隔3、4天出戰，有越戰越頹之感，其中月初更無意義地主場以8:1大炒泰京銀行，更令巴西前鋒馬昆奴斯受傷，導致上周作客清水心跳，用全土炮輸0:1。不過今次難得在剛過去周中無賽事，體力得以回復，傷兵只剩馬昆奴斯；碰巧柏雷素爾近期神勇，錄得3戰全勝，莊家才開出鹿角有1.65倍W，他們現時排第6，再失分難望如上季般神奇地追趕班霸紅鑽，冒進者可博「讓球主客和」「主勝」，有2.85倍。
捧前鋒捕「大」鼠
另一場心水搵川崎前鋒，向來屬性主攻開「大」球隊，永遠係筆者優先選擇對象；前鋒上仗主場0:1受挫紅鑽，今續主場迎大宮松鼠，穩勝開「大」，今天貼士早場已定生死，若跟筆者心水贏到錢，再跟吾中捧樸茨茅夫同牽牛捧馬賽大勝啦。
近5場往績：輸贏輸贏輸
蘋果波神
今季唔得，咪下季嚟過囉！