謝婷婷前晚出席豪華遊艇發佈會，大爆姪仔Lucas已懂爬行，並會喚謝霆鋒及張栢芝作「爹哋媽咪」，早前Lucas被拍得爛面照，婷婷謂他已康復且十分可愛，她準備於父親節與父親謝賢及哥哥霆鋒一起慶祝。
謝婷婷早前表示欲投身模特兒界，前晚她便應邀與AnaR.及袁彩雲於香港仔船會出席豪華遊艇BelleEpoque發佈酒會，現場大玩美女廚房，袁彩雲下廚AnaR.幫手，婷婷則負責試食。AnaR.談飲食心得時表現得對韓國食物甚有研究，主持王賢誌細問下得悉她母親是韓國人，便請她說韓文，AnaR.以韓語說了句「給我一個吻」，王賢誌有如索吻般即席向AnaR.說出同一句話，AnaR.只笑不語。
謝婷婷以黑珍珠look示人，她表示是因曬太陽曬傷了：「啲皮脆咗，曬咗三個鐘。」婷婷早前表示向模特兒界發展，她謂暫未選定簽那一間公司，問她何不拍戲？婷婷說：「我喺爹哋面前做戲就得，唱歌做戲我都唔得，唔可以同阿哥比。」談到剛過了的母親節，婷婷謂其母狄波拉不在港，母女只通電話，問到當日可有與阿嫂張栢芝吃飯？婷婷謂：「阿嫂同佢阿媽食，嚟緊父親節我會同阿哥、爹哋一齊慶祝，陪爹哋打Golf囉。」
「爛面好番晒」
有記者問霆鋒兒子Lucas在母親節可有表示？婷婷笑謂：「吓？佢識得自己行路去買嘢？阿哥早有準備。」早前Lucas被拍得爛面相，婷婷說：「冇事，好番晒，佢𠵱家識爬喇，仲識得嗌老竇老母……係識嗌爹哋媽咪（笑），但未識叫我。」霆鋒有了兒子，是否沒以前關心胞妹？婷婷說：「唔係，佢𠵱家識關心人，可能因為有家庭。」
採訪：楊潔雯
攝影：陳偉權
