記得畢傑某年生日，大佬碧豪傳咗個短訊畀我，叫我趁自己仲係2字頭未到30，有乜想做好快啲去做，去實現自己嘅理想。今年6月畢傑就會過最後一次2字頭嘅生日，講真有好多嘢想做而未做。
碧豪同畢傑簡直係媽子兩個唔同類型嘅乖仔，一個外表斯文，一個寸寸貢。我呢位為人師表嘅好大佬，佢已經搵到自己嘅理想，同肥仔一樣鍾意教書，所以我成日都聽到出卷、改文、計分同備課呢啲教師用詞。
如果當初我揀讀師範，肯定已經成為《流氓師表》入面張家輝飾演嘅張英咁，誤人子弟，唔通叫我教睇盤口同水位咩？不過我都搵到自己理想職業，𠵱家只差另一個理想，就係同肥仔……
馬略卡理想係歐協盃資格，對唔住喇沙柏達，薩拉戈薩要降班。
讓球：馬略卡（上）
心得：薩軍作客冇好嘢
近5場往績：輸輸贏輸輸
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。