昨日一眾演藝界人士分別出席不同媒體發起的籌款活動，為四川地震災民出籌款，其中黎姿（GiGi）就到德福廣場出席宣明會活動，呼籲市民捐款，對於有報道指她曾到四川的普照寺為弟弟點七星燈，但地震後寺廟倒塌，她表示不知道此事，GiGi說：「我唔知呢件事，我一年前係去過四川，我好懷念當地嘅環境，同埋本嚟我會去貴州探訪，但𠵱家要延期。」
羅寶文賣米籌款
新城昨日則於海運大廈舉行「新城愛心抗天災籌款大行動」，薛家燕即場捐出10萬給宣明會，她說：「本嚟我諗住去睇奧運，我覺得捐咗呢筆錢仲有意義，19號我會同囝囝去鄭州探訪。」之後家燕姐就與鄭則士及苑瓊丹等，在新界區進行《眾志成城抗震救災》募捐大行動，當到達元朗又新街一帶時，苑仔更不停走入商舖內，令善款箱幾近爆滿。
此外，富豪酒店太子女羅寶文，羅霖，羅可旋昨日現身奧海城，為樂施會義賣米，為四川地震災民籌款，羅寶文表示：「第一日發生地震時捐了錢，其實自己養狗，都係半個阿媽，所以啲仔女身死未卜嘅感受我好明白，發生地震嗰日，哥哥喺成都做緊嘢，同佢失咗半日聯絡，我哋全家都好擔心，好彩有驚無險。」
採訪：李珮洳、王連連、陳月萍、顏英儀
攝影：陳偉權、藍文浩、仇志德