繼《流星花園》後，台灣今次改編漫畫《花樣少年少女》，前年一播出街，火速捧紅型男吳尊，S.H.E的Ella人氣更加即時爆燈，先攻香港再攻日本。後知後覺的日本電視台，食人口水尾翻拍，但威力同樣厲害，單是官方網站點擊率達三億人次，家陣無記播日版，Fans又點睇呢？
記者：劉明慧
攝影：伍慶泉
１鬥主角
選角方面，花迷各有偏好，不過日版《花樣》連配角相似度都爆晒燈，贏台版成條街。
Ella相似度60%—Ella勝在不用扮都似小男生，但沒有了原角瑞稀的少女味道。
吳尊相似度90%—吳尊外形俊美，感覺與男主角佐野泉氣質相似！
汪東城相似度80％—大東外形與中津秀一有八成似，但Fans嫌動作表情太誇張。
堀北真希相似度90%—樣子甜美的堀北，扮起小男生來帶點少女味道，與原角相似度甚高。
小栗旬相似度80%—外形夠晒Cool，雖是眾多漫畫真人版的御用男主角，不過沒有台版吳尊那種唯美感。
生田斗真相似度95%—Fans一致公認他是中津秀一扮演的不二者，除了外貌與角色相似，演技亦夠自然咁話。
2鬥爆笑
台版與日版都有不少搞笑場面，但一比之下，日版似乎大比數拋離。
日版經常以超誇張姿態現身的配角姬島正夫（奧斯卡），每次現身都誇張爆笑，但台版就少有出場機會。
總動員搞笑場面，除了三大主角養眼，其他配角有如路人甲乙丙。
3鬥咀咀
瑞稀跟佐野泉的關係是全劇重點，所以Fans引頸以待的咀戲絕不能少，即看日台表現。
成套劇做到最後，才出現小栗咀堀北鏡頭，雖然首幾集亦有咀戲，但全是蜻蜓點水式，到喉唔到肺。
做了數集便出現吳尊激吻Ella，而且吳尊一臉Enjoy樣，引死不少女Fans！
4鬥宣傳照
日版以型男大晒冷，營造整個靚仔校園。自然吸引不少女Fans。
台版以3位主角作宣傳，做出嬲字組合，但對比人家日版型男拱照，氣勢即時輸晒！
5結局對比
Ella女兒身最後都沒有被拆穿，最後吳尊還講了句意味深長的話，似為續集埋伏線，各位請拭目以待。
結局堀北回復女兒身，她與小栗旬的關係更會在暑假的特別版交代，據稱特別版早前煞科，暑假日本有得睇。
街頭少年少女反應：撐希妹吳尊
豪仔16歲學生
「台版好睇好多呀，因為國語有親切感，而且Ella夠搞笑唱歌又好聽！男主角都係吳尊靚仔過日版！」
Tracy17歲學生
「女主角我會揀堀北，成個形象都似，不過男主角我鍾意吳尊，因為吳尊靚仔好多，哈！」
Ammi15歲學生
「我覺得日版好睇好多，而且選角比較接近漫畫版角色嘅神髓，啲人又親切好多！」
李生18歲學生
「日版好睇啲，首歌又好聽，台版太長太冗，而且女主角Ella太似男人，堀北少女味啲。」
《花樣少年少女》講乜？
《花樣少年少女》是改編自日本漫畫中條比紗也的少女漫畫，《偷偷愛著你》（港譯：女生勿進）。故事講蘆屋瑞稀為見跳高偶像佐野泉由美國到日本，更不惜一切女扮男裝潛入男校讀書，及後發現他已放棄跳高，為令他重拾跳高運動，不斷努力照顧及鼓勵他。
