李克勤下月首次在澳門舉行演唱會，原來他的父母是澳門人，小時候經常到當地的外公外婆家居住。克勤又表示由於澳門個唱場地不像紅館般有台底，故他考慮出場時先用類似棺材的箱子把自己收藏，認真大吉利是！
李克勤將於下月7日在澳門威尼斯人度假村的金光綜藝館舉行一場「你的克勤演奏廳演唱會」，昨日他到澳門舉行記者會宣佈詳情，除了有性感舞蹈員勁歌熱舞外，足球迷克勤又獲贈曼聯前球員蘇斯克查（OleGunnarSolskjaer）的球衣。
自幼甩牌最叻
克勤今次演唱會除邀得梁詠琪任嘉賓外，上次紅館個唱的音樂演奏班底也會再度出現，最貴的1,200元門票和最平的280元門票也已售罄。演唱會採四面台設計，還考慮屆時用木箱將克勤搬到台中，克勤說：「因為個台唔似香港有台底，又怕我行出場冇神秘感，所以諗住用個棺材咁嘅箱收埋我先囉。」
原來克勤父母均是澳門人，故他今趟第一次在澳門舉行個唱，感到份外開心，克勤說：「我對澳門有個情意結，細個時父母去旅行，我就去澳門跟婆婆公公住，佢哋做小生意租麻雀畀人，我就幫手抹麻雀，所以甩牌都好叻，至少85%會中，但賭錢我就唔得。」克勤謂只要賭超過100元以上，他就心驚膽顫，曾經在外國拉角子老虎機，贏數千元已讓他興奮莫名。
捐錢豁免年費
談到賑災，克勤謂好友蔡少芬的老公張晉是四川人，得悉張晉平安感到很開心，克勤今日會在香港和深圳出席賑災活動，問他有否捐錢，他說：「唔想講，我見啲雜誌列晒藝人捐幾錢，唔應該咁樣比較囉，做善事係開心同應該就去做，唔使比較多與少。」克勤為鼓勵歌迷捐獻，凡捐錢超過300元的歌迷，將可豁免明年的歌迷會年費。
採訪、攝影：張俊銘
