蓋鳴暉前晚喺新光戲院為保良局籌款騷演出，佢好開心咁話今次籌得嘅善款數字理想，好高興可以幫到有需要嘅人，蓋鳴暉仲話：「我入行到𠵱家，幫保良局手做籌款演出，唔經唔覺都第16年啦！其實保良局本身冇要求過我幫佢，但係自己為咗行善都冇乜所謂，不過最高興仲係善款一年比一年多，今次籌到過百萬所以特別開心。」