求學時讀《唐山大地震》，知道地震前啲昆蟲、小動物一早收到風識「走佬」。唔係誇張，藍鑽石姐夫養嗰隻龜平日死吓死吓，但今次地震發生前佢沿魚缸邊起勢用力爬，企足成日咁滯，似乎遠在香港嘅佢都感應到災禍會發生。人企喺大自然之間渺少至極，後知後覺，人算不如天算。
講到人算不如天算，邊個估到AC上場會輸俾拿玻里？（好彩馬會冇開，唔係死得人多）不過周日對烏甸必搶攻，呢場「大」唔使算都開到。最後有個呼籲，祝大家今周贏多啲之餘，多啲捐錢賑災。
大細：AC米蘭大
心得：有心行善必多福
近5場往績：輸贏輸贏輸
藍鑽石
忙於為與簡拿華路同日生的囡囡換片、掃風，但睇意甲，一場都不能少。