周六是英格蘭球壇今季最後一項錦標的揭盅日，究竟足總盃屬於樸茨茅夫，抑或卡廸夫城？大部份的《拉闊》讀者都認為「老樸」可以登上寶座，但論到今季「老樸」最佳球員，則各有不同意見，其中門將占士、中場狄亞拉及非洲兵蒙達利，都是讀者們心水之選。
今集3大討論重點：
1.誰是樸茨茅夫今季最佳球員？
2.邊場足總盃決賽最令人難忘？
3.AC米蘭是否值得取得下屆歐聯席位？
Ringo點睇：改買「和局」
樸茨茅夫今季能夠打入足總盃決賽，我覺得除咗前鋒簡奴之外，門將占士肯定最大功勞，佢一打到「上身」，表現真係好犀利。從統計數字顯示，樸茨茅夫係晉級過程之中最少失球嘅球隊，而占士今季聯賽表現亦同利物浦嘅連拿平起平坐，爭聯賽嘅「金手套獎」，已經證明一切。
不過，唔少讀者都貼樸茨茅夫贏2:0，好似有啲危機，如果畀我再揀過個波膽，我會即場貼樸茨茅夫贏1:0，開個「讓球主客和」嘅「和局」，呢啲賠率比較好分頭。
金句：占士打到「上身」，認真犀利！
Ringo貼士
星期六23 卡廸夫城0:2樸茨茅夫（7倍）
星期日22 AC米蘭3:1烏甸尼斯（9倍）
星期日33 華倫西亞2:2馬德里體育會（11倍）
阿樂點睇：冷敲卡廸夫城和波
我覺得今屆足總盃決賽戲碼完全唔掂，有咩理由會係卡廸夫城鬥樸茨茅夫，好似英冠升班附加賽咁，應該曼聯入決賽至真！其實，近幾屆足總盃決賽都唔夠刺激，唔係強弱懸殊，就係少入球賽事，所以貼大波膽就係希望今屆會精采啲。
至於今季樸茨茅夫最佳球員，我會揀中場蒙達利，呢位非洲兵係中場攔截能力唔錯，足總盃晉級過程佢嘅功勞都幾大。最後，希望下個禮拜三歐聯決賽曼聯可以贏車路士3:1，成為雙料冠軍！
金句：今屆足總盃決賽戲碼唔掂，似英冠升班附加賽！
阿樂貼士
星期六23 卡廸夫城2:2樸茨茅夫（14倍）
星期日22 AC米蘭2:0烏甸尼斯（6.5倍）
星期日33 華倫西亞1:1馬德里體育會（7倍）
Jackie點睇：老樸可贏兩球
樸茨茅夫絕對希望贏今次足總盃冠軍，所以我覺得佢哋可以贏卡廸夫城兩球左右。雖然老樸嘅踢法較為沉悶，之不過他們領先嘅時候就好大機會贏到尾，所以我認為樸茅能夠捧盃。不過，首名入球都幾難揀，一定離唔開樸茨茅夫幾位主力球員，例如簡奴等，但我會避開唔會投注。
講到樸茨茅夫今季最佳球員，我幾鍾意中場狄亞拉，自從由阿仙奴轉投後幫到球隊唔少，喺隊中起到作用，係今季佢哋嘅最佳收購。
金句：樸茨茅夫有目標梗會搏盡！
Jackie貼士
星期六23 卡廸夫城0:2樸茨茅夫（7倍）
星期日22 AC米蘭2:0烏甸尼斯（6.5倍）
星期日33 華倫西亞2:3馬德里體育會（26倍）
講波有禮襪
只要你以webcam打入傾波，不但會由我哋代買3串7波膽，講得最好嘅一位仲可以得到阿仙奴波襪，咁筍，快啲上網登記啦！
《拉闊足球場》
下次舉行日期：19/05（周一）
想參加？即上 http://soccer.atnextcom/jp/soccer
節目重溫： http://sport.appledaily.com
