近排搭港鐵喺月台等車時，俾亨利、費達拿同埋活士一齊代言嘅剃鬚刀廣告吸引住。個廣告拍得呢3個體壇巨星好型，尤其係企喺中間嘅亨利，但睇到佢身上嘅caption話佢係2003年世界足球先生時，真係O晒嘴。乜2003年世界足球先生唔係亨利嘅法國同胞施丹咩，亨利只係攞第2名咋喎。如果攞亞軍都當贏，咁今晚場英足盃決賽樸茨茅夫同卡廸夫城咪齊齊捧盃？
近排喺〈開倉版〉反底，靠曼聯連續贏番兩場，今晚場英足盃決賽老樸質素高過卡廸夫城，可以秤先，撐吾中要老樸W。
主客和：樸茨茅夫勝
心得：老樸質高經驗好
近5場往績：贏贏輸輸輸
青蛙仔
睇德國波同埋英國波大，大個之後攻埋日本波，兼且對日本藝能界幾有研究。