汪圓圓、翻版關之琳Jocelyn、Angelababy和吳嘉龍等，昨日在又一城為Puma新店開幕行騷，汪圓圓罕有地穿比堅尼示人，她周末才從北京回來，她謂在酒店時也感受到地震。
汪圓圓說：「初時覺得好頭暈，後來先發覺係地震，我即刻企喺門框下面，怕啲嘢跌落嚟，之後走落酒店地下，見到大批住客都走晒出嚟，大家都好驚。」有傳她獲姐夫甄子丹打本開公司，她說：「唔係真嘅，冇呢件事。」
Angelababy盼置業
Angelababy近期頻頻出騷，她表示正儲錢買樓，她說：「今年工作比舊年多，我𠵱家儲緊首期，想買一層1,000呎左右嘅樓，大約500至600萬，可以一家人一齊住。」她謂希望幾年內可達成置業大計。
採訪：LawWaiMan 攝影：ChanShunChing