徐淑敏和文詠珊（JaniceMan）昨日為九龍灣Emax全新保齡球場擔任開幕嘉賓，二人即場一展球技，不過自嘲甫士騎呢的徐淑敏球技認真麻麻，頻頻落坑，十分搞笑。
「幾靚同得意」
徐淑敏自言平日喜歡與一大班朋友做運動，問到與男友是否有共同嗜好時，她即說：「本身最鍾意食嘢，總之同朋友玩吓都好開心。」她又表示有留意今屆港姐的新聞，看好3號張舒雅，不過談到張舒雅新聞多多似乎有損港姐形象時，她說：「以後小心啲，我覺得佢幾靚同得意，可能佢鬼妹仔冇咁避忌，之後經港姐式訓練會好啲。」徐淑敏又透露以前做模特兒時見過8號姚婷芝，對於姚婷芝被指打「假波」，她坦言沒留意對方身材，但覺得她的樣貌沒改變。
此外，JaniceMan早前因戴「大眼仔」隱形眼鏡致視網膜受損，昨日她表示已經康復。採訪：駱華齡
攝影：陳慧安