惠理集團（806）噚日開股東大會，雖然撞正長和系三個股東會一齊開，但話晒有打工皇帝謝清海，所以仍舊吸引唔少傳媒守候。
呢期大家最關心係四川地震災情，大家有錢出錢，有力出力，貴為打工皇帝，華華當然想知謝清海慷慨解囊捐幾多。點知佢笑笑口回應：「Alittlebit！」
大家唔好誤會，謝生既然爬得過和黃（013）霍大班頭做打工皇帝，身家梗有番咁上下，佢所謂嘅「Alittlebit」，相信都唔少嘢。
講開噚日嘅股東會有段小插曲，有位小股東好想見謝生一面，但唔知係咪登記上出咗問題，搞到入唔到場，結果喺門口嘈足幾分鐘，話自己只要入到場，唔投票都冇問題，好彩最終都可以順利入場。