楊思琦家中養了七隻八哥，每個月她至少花費約萬元買狗糧、為狗隻美容及睇醫生，付出的金錢及心機相當大。近日思琦與她其中一隻愛犬「懵懵豬」，獲狗糧品牌邀請擔任代言人，獲贊助免費狗糧，思琦因而慳一大筆。
楊思琦自5歲開始已飼養狗仔，後來因搬到公屋居住便不可再養狗，直至她出來工作搬到村屋居住，她立即再養狗。身為狗癡的她現時共有七隻愛犬，但對八哥情有獨鍾，她說：「好多人會覺得八哥個樣唔靚，但係我覺得佢哋個樣好懵、好可愛，加上佢哋又肥又短嘅身形，真係好cute。」
冲凉增進感情
近日思琦與其中一隻愛犬「懵懵豬」，獲一狗糧品牌邀請擔任代言人，獲贊助免費狗糧，因而慳回不少。由於思琦經常要拍劇，所以照顧愛犬的責任多數落在家人及工人身上，不過她一有時間就會為愛犬洗白白。
思琦說：「我好少會帶啲狗出去美容院，因為我本身已經少時間陪佢哋，一有時間我就會幫佢哋冲凉增進感情。幫一隻狗冲凉連吹毛起碼要一個鐘，所以七隻狗要分開兩日冲，都好大工程㗎。」
思琦為了愛犬有舒適的居住環境，特別於天台建了一間狗屋，她說：「因為養狗一定要有足夠地方畀佢哋跑，但係我住嘅地方，又唔可以一次放晒七隻狗入去，所以就整咗間狗屋畀佢哋。」
經常跑步喼弗
由於八哥的身形又肥又短，如果不加以注意的話，很易導致過肥，故此思琦十分注重小狗的飲食，她說：「我好少畀零食佢哋，最多都係畀生果，同埋買狗糧一定要睇清楚啲成份對佢哋有冇益，最重要係多啲帶啲狗去跑步，等佢哋喼弗之餘，又可以令啲骨健康啲。」
採訪：李珮洳 攝影：葉君海
服裝提供：Perme,Replay
化妝：mailto:[email protected]
