溫碧霞早前到上海為一本家居雜誌拍攝封面照，一向懂得享受生活的她，對於家居設計甚有研究，為了擁有一個理想溫馨家園，她親自設計與丈夫的愛巢，一切以簡約為主，顏色是米色及白色。她自言崇尚自然，故家中部份裝修很有泰國的原始風味。
溫碧霞早前在上海為一本家居雜誌影封面照，並且在訪問中大談家居生活，她說：「我覺得最享受係喺屋企畫畫，我鍾意畫嘅係童年回憶，好似畫調景嶺嘅景色，𠵱家嘅調景嶺已經面目全非，我只係憑細個時候嘅記憶嚟畫，可能大家會睇唔明我啲畫嘅構思，不過呢啲係我童年嘅諗法，細路仔嘅思想比較特別，我畫畫會睇心情，開心、唔開心都有唔同感覺，不過都會勾起自己好多回憶。」
寫blog過百萬瀏覽
另外，最近她又愛上影相，因為她已擁有個人日誌網站，她說：「寫blog真係幾好玩，𠵱家我成日拎住部相機四圍影相，即使喺屋企都有影過相上網，自從有個blog之後，我希望同啲fans多啲溝通，我個blog一星期之內已經有100萬人次瀏覽過。」
早前溫碧霞在上海同時出席美容院活動，這次是以奧運為主題，義賣奧運褔娃籌款，溫碧霞覺得現代女性對奧運同樣有認識，她們不只是識扮靚賺錢，對社會公益事業也很關注及作出貢獻。
採訪：陳寶明
