周麗淇（Niki）、許志安和葉翠翠等昨日在元朗一騎術學校拍攝劇集《盛裝舞步愛作戰》外景，Niki騎馬有板有眼，原來她剛在這學校學騎馬，她說：「因為我之前喺橫店拍《書劍恩仇錄》，有好多騎馬嘅場面，所以喺香港學多啲騎馬技術，遲啲仲會有一場千軍萬馬嘅場面，學多啲都係對部劇好。」Niki透露原定要到甘肅拍外景，但因地震，未知是否成行，要再等通知。
翠翠囑師妹豁出去
每年港姐都會有很多是非，今年更有兩位佳麗被指隆胸，問葉翠翠可有留意報道？她說：「我有留意一班港姐，不過就冇留意啲新聞，不過報名嗰一刻就要預咗俾人寫，已經開咗路，唔好因為呢啲新聞影響自己，咁樣幫唔到自己攞冠軍，只會失去，最緊要做好本份。」
採訪：陳月萍 攝影：陳志嵐