譚小環去年與保險才俊蔡強榮（Eric）結婚，她上月在《獎門人》贏了12萬元房車，即套現與丈夫到日本度蜜月，更將部份獎金捐給四川災民。此行他們狂買狂吃，二人身形都「進脹」不少，小環回港即下旨要老公減掉六嚿脂肪。
譚小環去年9月嫁給任職保險的蔡強榮，兩夫婦一直各有各忙，直至日前才可抽出時間到日本度蜜月。成為蔡師奶後的小環，獲幸運之神眷顧，早前在曾志偉主持的遊戲節目《鐵甲無敵獎門人》贏得價值12萬元的房車，她即賣出套現，出發前更豪氣說要乘機瘋狂購物，小環夫婦這次蜜月之旅，最終滿載而歸。
餐餐勁食和牛
小環與丈夫到了大阪和京都觀光，有「牛魔王」之稱的Eric晚晚飽餐美味和牛，小環說：「我唔食牛，見到老公食都覺得好膩，佢咁食法，返嚟身形都脹爆唔少，我唔介意佢冇六嚿腹肌，不過唔想佢過肥會影響健康。」
回港後，小環立即向Eric下旨減肥，她說：「我唔會畀好大壓力佢，因為佢工作都好忙，只希望佢快啲減咗六嚿脂肪。」
Eric和小環在大阪逛街，看到別人踩單車，他們忽然想起黎明和張曼玉在電影《甜蜜蜜》經典一幕，於是竟向途人借單車拍照，小環說：「𠵱家睇番張相，都好想叫救命。」
由於近日緬甸和四川都受到天災影響，兩地均死傷慘重，擁有幸福生活的小環十分同情災民，她說：「我將之前玩《獎門人》贏番嚟嘅獎金好好分配，我除咗之前去旅行用咗部份，又拎咗啲出嚟請屋企人同埋同事食嘢，剩番嘅捐啲去紅十字會，幫助有需要嘅人。」
採訪：比華利
