日本女星乙葉最近與諧星丈夫藤井隆夫妻檔上陣，為花王洗頭水拍廣告，佢哋前日喺東京一齊出席記者會，大晒恩愛。今次係兩人自05年7月結婚以來，第一次合演廣告，佢哋除咗大談拍攝趣事之外，仲分享湊女經。原來上年10月出世嘅囡囡聽到爸爸好鍾意嘅安室奈美惠，同組合Perfume嘅歌聲時會好開心，所以乙葉話相信女兒大個會鍾意跳舞。