【綜合英格蘭外電】曼聯與車路士今季由頭鬥到尾，更由場內鬥到場外，據悉雙方球員均會穿上名牌西裝前往莫斯科，曼聯將穿起英國品牌PaulSmith，車路士則崇尚意大利超級設計師GiorgioArmani的作品。
曼聯備兩套西裝赴俄
女士喜歡鬥靚，想不到男士亦要「爭妍鬥麗」，曼聯與車路士還未在歐聯決賽大鬥球技，賽前兩者就先來個「花生騷」，可期兩支大軍抵達俄羅斯機場，各位官仔骨骨的隊員勢謀殺大量記者的菲林。
記得曼聯在99年「3冠王」時期，他們賽前便穿上灰色的Versace套裝與拜仁慕尼黑爭歐聯冠軍，最終紅魔能順利捧盃。不過，今次曼聯棄選該意大利名牌，改穿本土產品PaulSmith的藍色西裝出發莫斯科，到抵後出席官式場合，就會換上灰色西裝，未知最後能否同樣捧盃而回。
既然曼聯將穿起英國名牌，車路士一於揀選同級同份量的意大利牌子GiorgioArmani與之抗衡，料球員會穿上炭灰色的西裝，絕不讓曼聯比了下去。