吳婉芳老爺胡寶星作為馬主，最開心的莫如愛駒「喜蓮福星」贏了今年打吡賽，並獲近1,000萬元的獎金。前晚胡寶星在中環設宴慶功，開心失控，80歲的他無端攬實梁佩瑚，要納她為妾，令梁佩瑚哭笑不得。
胡關李羅律師行創始人之一胡寶星，家族的「喜蓮福星」3月贏出打吡賽，獲得900多萬元獎金，胡家前晚在中環四季酒店筵開20圍慶功宴，請來一班朋友、馬圈中人包括張學友、許晉亨、楊超成、羅霖夫婦、于莉和翁嘉穗等慶祝。
「我雙性呀」
胡寶星心情極靚，滿臉通紅，不停與女記者拍照，他說：「1993年『喜蓮之星』贏咗打吡，事隔15年，𠵱家第二次，再隔15年，應該輪到我個孫攞，嗰時我都95歲。」問他今年80大壽，為何不大搞？他說：「過咗啦，都冇人同我搞，等100歲大壽先啦，我最鍾意熱鬧，最怕冇人陪。」笑言男女賓客不拘的他更說：「男仔都唔緊要呀，我雙性呀！」
問下月父親節如何慶祝？胡寶星笑着說：「最好送個妾侍畀我，不過太太未應承。」隨即搭實來賓之一的梁佩瑚膊頭說：「我𠵱家同佢求婚，你哋見證。」嚇到梁佩瑚尷尬掩面，胡寶星新抱吳婉芳更笑到彎腰。
吳婉芳怕馬
問吳婉芳近千萬元獎金，豈非一鋪番本？她說：「應該未歸本，養佢好使錢呀，我係跑馬白癡，本身又怕馬，因為試過同隻馬企埋一齊時，隻馬勁望實我，好驚，不過我三個仔都有學騎馬，有時放假去英國，冇事做咪騎吓馬囉。」
採訪：LawWaiMan
攝影：ChanChiLam
