呂慧儀同李天翔噚日接受商台訪問，有雜誌話曾志偉早前去馬來西亞拍《獎門人》，俾人話係「淫賤團」，雖然呂慧儀有份參與，不過就被人話太過錫身，唔肯露肉，佢話：「其實我係比較少落水，大家唔好太過敏感，一班人都係抱住玩嘅心態，大家唔好諗埋一邊，雜誌寫得太過偏激啫！」呂慧儀仲話自己都有着泳衣背心，做足安全措施㖭。