近日有傳郭可盈因與林文龍婚姻觸礁暴瘦。昨午二人拍拖往尖沙嘴撐枱腳，滿面于思的文龍專責畀錢，包辦膳食費及停車場費，可盈則任柴可夫接載老公，飯後兩人蹺手漫步逛商場。屢被指女尊男卑的文龍被問及婚變傳聞時，他嘆息道：「做呢行都預咗有人咁講。」無奈之情不言而喻。
林文龍主演的新劇《法證先鋒II》將於下周一推出，但劇集尚未播映，他已先惹婚變疑雲。近日有傳林文龍夫婦婚姻亮紅燈，指可盈鬧走文龍，各有各生活，但昨日他們卻齊往尖沙嘴新世界中心的TowngasAvenue餐廳撐枱腳，可盈更主動蹺實老公臂彎拍拖漫步，以行動粉碎謠言。
聽的多說的少
昨午約1時，留了一臉鬍鬚的文龍和淡施脂粉的可盈抵達餐廳，他們選坐靠近海濱長廊的位置，比前消瘦的可盈胃口不俗，邊食邊講，反而飲凍啡的文龍十分沉靜，聽的多說的少，表情木訥。約1小時後，文龍以信用卡付賬，可盈則向侍應查詢免費泊車優惠，為夫慳錢果然是賢妻。可盈和文龍離開食肆時，本來各有各行，未幾可盈趨前蹺着丈夫手臂逛商場，沿途有自由行遊客認出二人，但不少都被文龍的鬍鬚佬造型嚇親，驚訝地低叫：「點解林文龍成面鬚㗎？」但他們未有理會，繼續步往停車場。
其時可盈先行取車，文龍則去繳費處付款，他發現記者在場後即嚴肅地說：「你邊間㗎？問乜嘢呀？」記者問及其婚變傳言時，他無奈嘆氣說：「唉，做呢行都預咗俾人講，冇回應喎。如果我哋有事，就唔會一齊食飯行街啦！」接着他便登車，與可盈一起向記者道別後離開。
採訪、攝影：娛樂突發組