應屆港姐佳麗一反傳統，新聞多多又高調。曾被崔建邦取笑說話似徐子淇的1號文柏姿，前日集訓後即趕到觀塘瘟仔，由一名四眼男伴開車接載；至於風頭躉8號姚婷芝則拉11號馬賽孖咇逛又一城，又搶做訪問兼危駕返家，出位招數層出不窮。
今屆港姐屢被起底，風頭躉3號張舒雅、8號姚婷芝和11號馬賽均新聞不絕，一直被忽略的冷馬1號文柏姿和海外佳麗10號史宛殷也不執輸，前日分別獲男伴駕車接送；姚婷芝繼續拖馬賽巡遊又一城，4號高海寧則往尖沙嘴shopping。總之佳麗集訓後即變甩繩馬騮，各自各精采。
收電話即衝路
前日傍晚12位準港姐於將軍澳電視城集訓後解散，來自西雅圖的佳麗史宛殷即獲一名戴墨鏡的中年男伴駕駛Accord房車到場接載；日前被崔建邦嘲笑口齒不清、似徐子淇的文柏姿和高海寧等五名佳麗則齊上的士，文柏姿先在調景嶺下車，轉坐地鐵到觀塘裕民坊後，便進便利店買娛樂雜誌，再往化妝品店揀廉價睫毛液。
其間文柏姿接過電話後，未幾便放低化妝品衝出馬路邊，原來一名年約20歲、戴眼鏡的男子已駕着一部日產舊款私家車等候，踩着斗零踭的她為趕瘟仔更飛撲上車。至於與她分道揚鑣的高海寧就偕2號倫紫玄繼續乘的士到海運大廈逛商場。
最識搶鏡的姚婷芝（Angela）和馬賽則巡遊又一城商場，在LOG-ON百貨試墨鏡又試帽，姚婷芝見被記者追訪即主動報料：「頭先馬賽買咗頂帽，我就買咗兩副太陽眼鏡，留番去加勒比海外景用。」
姚婷芝繼而又自爆背景，稱其提名人是馬賽契媽，自己與馬賽並非同一模特兒公司，問馬賽由誰提名？馬賽剛張開口，姚婷芝已搶着說：「佢係另一個公司人提名。」但又拒爆提名人身份。
自稱考牌三年
其後姚婷芝駕駛平治送馬賽返浸會宿舍，駛經大老山隧道後，竟超速駕駛兼險撞石壆，驚險百出，其駕車技術快而不辣，抵沙田寓所時，她自稱已考取車牌三年，但她風騷上樓之際，突然回頭尖叫：「哎吔，我鎖咗車未？」語畢即折返車旁，認真失魂。
採訪、攝影：娛樂突發組
各位讀者如果認識十二位入圍港姐，知道她們的底細，歡迎電郵mailto:[email protected]報料。
