張娜拉啱啱喺香港宣傳完新碟，前日馬不停蹄到上海繼續宣傳，問佢今次造型成熟咗好多，佢話：「造型成熟，但是歌路並不成熟，只是造型上面給歌迷不一樣的感覺。」佢又講起之前喺韓國做火炬手傳送奧運聖火時嘅興奮心情，仲話朋友想攞佢支火炬㖭，佢梗係唔肯，要留番畀自己啦，𠵱家支火炬就放咗喺佢首爾嘅辦公室入面。