《2008年度香港小姐競選》12位候選佳麗昨早返回將軍澳電視城受訓，無綫專誠邀請黃桂林作為口才訓練導師，眾佳麗中午到餐廳用膳。今年港姐可謂負面新聞不少，當中以高妹3號張舒雅負面指數最高，除早前被指又煙又酒又𠝹仔外，近日又被發現一張「昅仔小便」的照片，照片中的男子、即張舒雅的男友，被揭是女藝人邵音音的兒子Brian。
高海寧自問天然
張舒雅說：「佢係我以前男朋友，嗰時讀緊書成班人去佢屋企玩，啲相係以前，希望大家關心𠵱家嘅我。」而8號姚婷芝再次被指隆胸，她說：「算喇，唔會唔開心，每一年港姐都有呢啲新聞，總之自己冇做過，希望大家唔好只係將焦點放喺我身材度。」
同樣被指假大胸的4號高海寧直言真材實料，她說：「我係百分百天然冇加工㗎！」原名為沈江莉的她也大方承認滿十八歲後即改姓名，她說：「以前細嗰喺國內同婆婆住，因為戶籍問題所以跟婆婆姓，之後同父母嚟咗香港，我唔鍾意個名，所以夠18歲可以改名就跟番爹哋姓。」
採訪：王崇穎
攝影：陳順禎
小八卦：高海寧學生look曝光
最近被指假大胸的準港姐4號高海寧（Samantha），再有兩張中學時代舊照被上載網上討論區，一張是身穿校服的Samantha跟同學們慶祝生日，當時的她未施脂粉，樣子清純，而另一張則是她手持演唱會門券的大頭自拍照，樣子跟現在分別不大。
各位讀者如果認識十二位入圍港姐，知道她們的底細，歡迎電郵mailto:[email protected]報料。
