終於去照4D啦！好緊張，因為可以率先見到BB個樣呀。原本我準備去贊育醫院照，$1,200包相同DVD，不過book得遲，要到5月才輪到。姑娘話原來照4D只適合懷孕24-30周內的孕婦，難怪我那個懷孕5個月的心急女朋友說照不到甚麼，還說下星期要再照，錢多咩！而我最後嫌贊育個螢光幕較細，怕看得不清楚，於是選擇了早一星期就可以去照、貴$300但個plasma足有32吋大的某中環私家診所。
到我啦，老公坐在身邊，二人都有點緊張。眼前的大電視將平日蒙查查的BB照得很清楚，「個樣呢？」我急不及待地問，醫生說：「唔使心急，呢個就係佢個樣……」「唔係好清楚喎！」小生命的樣子泥色一片，看不清楚，因為BB用一對小手遮着半邊面，怕怕羞羞又彷彿不想曝光，但還是隱約看到她的大鼻子，似老公定似我多啲呢？4D除可見樣子外，仲可以睇清BB有冇兔唇等問題，等爸媽安心。
個人資料
大肚Polei：
結婚年幾，從前唔恨亦唔想生仔。因為怕痛怕煩怕地球好快會末日。突然身邊幾個朋友玩大肚，突然心血來潮好想做媽咪。