鄭嘉穎與胡杏兒因為《舞動奇跡》而成為好拍檔，杏兒揚言二人跳舞期間深愛對方，更大讚嘉穎靚仔過黃宗澤，嘉穎同樣有深愛杏兒的感覺，不過就強調跳完舞後，愛也完結，似向緋聞女友周麗淇派定心丸。
鄭嘉穎、胡杏兒、湯盈盈與胡定欣等昨日出席在鑽石山舉行的《舞動奇跡》「舞動之星」選拔賽，眾演員在周志坤老師帶領下，表演了一段ChaCha，嘉穎、杏兒與盈盈等入圍演員今日又要再往湖南繼續比賽。
杏兒因為是次比賽愛上跳舞，問到可有因而愛上拍檔嘉穎？她說：「有呀，跳舞時我好愛佢㗎，我都感覺到佢都愛我，因為有一隻舞係好sad嘅，嘉穎攬住我時好肉緊，攬到我面容扭曲，佢自己都話好似上咗身咁，太投入，佢咁靚仔，真係愛到我死。」
怕惹人呷醋
杏兒公然大讚嘉穎，問她覺得黃宗澤與嘉穎誰比較靚仔？她說：「嘉穎囉，佢有對電眼嘛，都係靠佢用對電眼電啲現場觀眾，先有咁高分。」嘉穎則說：「我跳舞時都好愛杏兒㗎，因為大家都放咗好多感情，全情投入嘛，不過跳完就會停嘅，阿邊個聽到唔好呷醋呀。」「阿邊個」似是暗指黃宗澤，問他又會否怕緋聞女友周麗淇呷醋，他說：「我都係做嘢啫，好清楚嘅。」似叫女方放心。
盈盈恐不育
此外，盈盈今次不但多了一位老公，又不慎扭傷肋骨肌肉，看中醫時更被勸喻不要再跳舞，怕影響日後不能生育，她說：「因為我拍檔叫高梓祺，咁佢叫我叫佢做老高，我啲國語唔好，怕講咗粗口，咪叫佢做老公囉，冇得生BB，我諗個中醫嚇吓我嘅啫，冇得生咪領養囉。」
採訪：胡比
攝影：陳志嵐
