何韻詩前日31歲生日，與好友楊千嬅、劉浩龍和徐濠縈等到尖沙嘴酒吧慶祝。前晚阿詩為《星光熠熠耀保良》籌款演出，加上她叮囑好友們捐錢做善事當賀禮，令她今年的生日過得特別有意義。不過，壽星女因為情緒太高漲多飲幾杯落肚，結果飲到啤啤夫要助手攙扶離開。
何韻詩前晚於尖沙嘴的RedQuarters酒吧舉行生日派對，與好友唱K及BBQ，出席派對的好友包括楊千嬅、前緋聞男友劉浩龍、徐濠縈和王菀之等等。劉浩龍和徐濠縈早於晚上11時便到達酒吧，見二人兩手fingfing，問是否未有準備禮物時，劉浩龍笑道：「唔使，我哋兩個嚟到已經係最好嘅禮物啦！」
完騷趕赴派對
壽星女何韻詩因為需要在紅館演出《星光熠熠耀保良》，在晚上11時55分才匆匆趕抵酒吧，剛好趕及凌晨12時前切生日蛋糕，阿詩說：「今年生日會係助手幫我搞，以前係自己搞，本來今年想罷工唔搞，但係助手話要幫我搞。我叫啲friend唔使送禮，捐錢去做善事，畀番張收據我就得㗎啦！其實上年已經係咁，想大家一齊做啲好事，我每年嘅生日願望都係一樣，就係身體健康。」
之後何韻詩入酒吧慶祝，而王菀之和同樣有份演出《保良》的千嬅則於12時過後才抵達。問千嬅有沒有預備禮物送給壽星女？她說：「我答應壽星女唔送禮物，捐錢做善事，已經捐咗畀保良。」
全程要人攙扶
千嬅與王菀之等逗留至凌晨3時許離開，而壽星女何韻詩則與劉浩龍夜蒲至凌晨4時20分始捨得離去，飲至醉醺醺的阿詩步履不穩，全程要助手攙扶，本來她的另一位助手亦想伸手扶阿詩一把，但酒醉三分醒的她細細聲向該助手說：「唔好啦，咁肉酸。」繼而雙手合十向在場等候的記者說聲多謝後，便返回寓所休息。
採訪、攝影：陳月萍、張俊銘、娛樂突發組
