葉翠翠、徐淑敏（Suki）和賈曉晨（JJ）前晚在電視城錄影由楊秀惠主持的節目《娛樂金剛圈》，翠翠身穿V領T恤，她表示已貼滿膠紙，故此玩遊戲時不擔心走光。翠翠笑說：「玩遊戲啲獎品係我嘅收入來源，所以我會不顧儀態乜都玩，唔使成日都披住港姐張披肩。」她坦言恨玩獎門人，但有人投訴獎門人遊戲糟質藝人，翠翠說：「唔係，最緊要睇得開心，收視好，我唔覺有乜不雅。」
Suki勸港姐戒煙
至於Suki則穿裙上陣，她透露已打底，故毋須擔心。Suki表示也有留意今屆準港姐，她對高妹張舒雅印象較為深刻，不過對方被人爆料又煙又酒，Suki說：「如果係咁就戒咗佢，對身體都好啲，佢識諗，唔好食咁多煙。」至於該佳麗同被踢爆經常媾仔，Suki認為這是她的個人生活，外人無權干涉。
採訪：王崇穎
攝影：陳俊強