前日母親節，楊千嬅撇下緋聞男友丁子高，與父母及妹妹一同到四季酒店食晚飯慶祝，問到楊母會否想千嬅盡快結婚作為母親節禮物，在旁的千嬅反應甚大地說：「唔好嚇親我媽咪！」另外，劉鑾雄繼前日下午陪母到福臨門食午餐後，晚上又到該處晚膳，甚有孝心！
一向相當孝順父母的楊千嬅，前晚撇下緋聞男友丁子高，以一身便服打扮與妹妹及父母，一同到中環四季酒店的龍景軒食飯慶祝母親節，千嬅一家大約食到晚上10時許便盡興離開，酒店保安見記者在門外等候，即如臨大敵，當千嬅一家人步出酒店時，楊母見到在場記者時表現有點愕然，保安更即時上前阻擋記者影相。
賭王單拖現身
千嬅表示除了和父母食飯慶祝外，更有送禮物給母親，楊母被問到是否滿意愛女的安排，她只報以微笑，再追問楊母會否想千嬅盡快結婚作為母親節禮物時，千嬅在旁聞言即反應甚大地說：「唔好嚇親我媽咪！」之後楊父負責揸車，楊母坐在隔鄰的座位，至於千嬅和妹妹則坐後排，四人一同離去。不久賭王何鴻燊由保鑣陪同下，單拖離開酒店，甫見記者即揮手影相，問他覺不覺得女兒超蓮越大越靚女，故被不少娛樂公司睇中，他笑說：「個個都靚女。」隨即坐車離開。
囡囡未有同行
另一邊廂，大劉劉鑾雄前日下午繼陪媽咪到有富豪飯堂之稱的福臨門食晏後，相隔僅四個鐘，在晚上約6時45分，大劉和身穿JuiceCoutureT恤的女友呂麗君，又再陪同劉母到該店食晚飯，同場還有大劉妹妹劉玉珍，不過大劉和呂麗君卻沒有帶囡囡同行。大約1小時後，大劉一行人便離開食肆，問到劉母收到甚麼禮物，她只笑而不答，之後再由呂麗君攙扶上車。
採訪：藍文浩、顏英儀
攝影：葉君海
