勞資關係千絲萬縷，既是唇齒相依，也會對陣交鋒。「多做多錯，少做少錯，唔做冇錯」的策略性工作態度，可能不合時宜，打工一族想保住飯碗，需要全方位解構腦細（指老闆）心理，不妨參考網上「腦細心理分析」。
「上司加薪好合理，下屬凍薪話之你；有啲腦細死要面，鍾意員工扮可憐；有啲高層好自私，做死下屬詐唔知；有啲腦細好白癡，最好同佢鬥無知。」28真言字字珠璣，透視勞資新世代鬥智鬥力新模式。
創作靈感通常來自現實，原創者simpleOL在網誌留言：「我以前個男人婆腦細，一見人想喊想喊咁，就乜都有商量咯！」所以她奉勸網友：「如果同呢啲腦細鬥聰明鬥專業，真係激死自己冇命賠咯！」雖然網主謙稱「唔會擦鞋同害人」，但所發表的「生活態度金句」、「辦公室守則」和「擦鞋仔秘笈」等，卻不失為辦公室生存之道。
http://hk.myblog.yahoo.com/simple-ol/article?mid=11725
《蘋果》網聞請你報料！大家無論在網上網外發現任何騎呢搞笑的事情，都歡迎提供照片或短片資料。
請附姓名、電話及電郵地址，電郵到：mailto:[email protected]