我車報員呢排睇財經新聞嗰陣，最驚聽到啲油價日日係咁升，同埋自己買咗嗰啲股票大上大落之餘，仲有就梗係最怕聽到啲外幣滙價係咁升，尤其係日圓同歐元，事關咁樣會搞到啲汽車代理將旗下車款嘅售價調升嘛！
不過又咁喎，我車報員收到風，話BMW代理雖然同樣面對滙價飆升，而令旗下車款有加價壓力，但佢哋仲幫旗下有218匹馬力嘅325i房車，推出限量60部嘅SpecialEdition。呢批車外觀同普通325i無分別，只係將原來17吋胎軨變成16吋；設備就有ComfortAccessSystem、電動天窗、防炫目後鏡、鋁金屬車廂裝飾同Bi-Xenon頭燈，總值超過$65,000！至於售價，既然叫得做SpecialEdition，咁就當然特別吸引，呢批限量60部嘅新車售價係$440,000，比普通版嘅$480,000售價平$40,000。係啱嘅Fans就要快手去Showroom落定，免得執輸嘛！
記者：車報員