內地一直流傳陶喆同浙江衛視當家花旦朱丹（小圖）拍拖，傳聞話朱丹同老公離婚就係為咗佢，上月底陶喆仲被拍得同朱丹拖手搭膊同遊西湖，但陶喆噚日解釋當日係佢請朱丹去西湖幫眼睇樓，因為佢想喺杭州買樓送畀父親，又話自己外國長大所以舉止較親熱，至於朱丹就強調離婚同陶喆冇關。此外，日前陶喆到上海虹口體育場開騷，但入座率就冇上年咁好。