無綫新劇《真心英雄》昨日在油麻地果欄附近拍外景，於下午3時拍攝的一場戲，講述飾演入境處職員的郭晉安和鄧健泓在窩打老道與渡船街交界行人天橋追捕一名黑工，怎料有途人以為有人想跳橋自殺，並報警求助。
據知按劇情需要，這名飾演黑工的演員在天橋喪跑時，會作狀跳橋逃走，有途人見到以為有人跳橋自殺，於是報警。警方及消防員到場了解後，證實誤會一場，於是收隊離去，無綫劇組人員則繼續拍攝。
安仔昨日在電話中說：「今朝套劇係拍有個武師扮黑工，逃避我嘅追捕，佢走上天橋想跳落橋下，其實劇組揀今日拍係因為假期，嗰區冇咁多人，拍嗰陣時有工作人員封路，但可能對面大廈嘅人睇唔到威吔，有啲車經過又睇唔清楚，啲人至誤以為真。」
採訪、攝影：譚健文、林妃