呢排啲油價日日係咁升，搞到好多人都揸少咗車，希望咁樣可以幫荷包慳番啲；之但係咁，如果你係用開中石化（香港）嘅汽油的話，咁就記住入多幾次啦！因為佢哋慶祝能為2008奧運香港馬術項目供應燃油，所以由即日起至7月20日舉行大抽獎。只要你手持即日至7月18日期間，入滿$300燃油或石油氣嘅機印收據，喺7月20日晚上12時前打電話登記即可參加。超級大獎一名可獨得雙人北京奧運門券連機票及酒店住宿套票，另外再加送你兩噸油、二獎16名攤分8噸油、三獎10名可各得香港奧運馬術賽門券兩張，而四獎15名則可獲贈巨型福娃一個。參加次數不限，入得油越多中獎機會越大，所以大家入油嗰陣記得Keep住收據，然後報名參加啦！
（登記電話：21329901）
記者：鄭達基