小超同小小超揸旗嘅長江基建（1038）同電盈（008）上個禮拜雙雙踢出恒指成份股，觸發Hangul喺《香港討論區》呼籲大家唔好買富豪後代搞嘅公司股票：「姓李嘅兩個仔搞嘅公司out出恒指，姓何嘅仔女搞嘅賭場股又係唔掂，都係唔好買有家族背景嘅股票。」
新地、利豐靠得住
數咗咁多例子，lukewarm開始懷疑富豪第二代都係靠關係、靠老竇先有今日，唔通真係富不過三代？
不過討論唔係一面倒，redforest認為：「新地（016）郭氏三兄弟係第二代，利豐（494）馮氏兄弟更加唔知係第幾代。」danny.chai都認同，「要睇吓嗰啲公子哥兒係唔係二世袓格，長輩識唔識去培育都好重要。」